يا ترى مين اللى عليه الدور؟؟؟؟

تستمر المعادلة الصعبة و تستمر الأسئلة التى ليس لها إجابة و تستمر الحيرة و أصوات و أصوات الكل يبحث عن ماذا ؟ الكل لا يعرف لماذا ؟ و مفيش حد عارف مين اللى عليه الدور تمثيلية كبيرة فى مسرح كبير و مين الأبطال و مين المتفرجين و مين اللى عليه الدور يا ترى فاهمين و لا مش فاهمين و لا أنتم عاملين مش فاهمين و مطنشين و لا بجد قولوا الحقيقة يمكن مش فاضين أه فهمت تصدقوا مكنتش عارف أنكم مش فاضين وراكم مشاغل كتير بنات و ولاد بحاجات تانية مهتمين حبيبتى النهارة لابسة لبس شيك و حبيبى النهاردة قبض الشيك بس يا ترى لابسة شيك لمين و قبضت الشيك من مين و أيه التمن يا صاحبى يا ترى سكوتك و لا علشان تغمض عنيك و لا علشان تقول أحنا مش فاهمين بنلعب مع مين يا صاحبى كفاية دى مش حكاية ده كله تاريخ أطفالك بيندبحوا قدام عنيك بناتك بينضحك عليهم قدام عنيك و لسه يا صاحبى بتقول فيه ايه بالله عليكم شبابنا يا غالى كفاية حرام تغمض عنيك و تمشى فى ظلمة و ترتكب المعاصى و تعمل ناسى انك أنسان بتفكر فى أيه بتدور على أيه على صورة جنس و كلمة حنان و حب نت و بنت الجيران يا بنتى كفاية حرام عليكى فتحى عنيكى عايزة أيه بتدورى على أيه نسيتى انتى مين و لا حلوة الحكاية بسمة و ضحكة و همسة و لعبة و نزوة نقضى فيها العمر اللى جاى تعالى كفاية حرام تنسى ان بكرة فيه نهاية تعالى يا صاحبى و فكر معايا مين صاحب الحكاية مين اللى عايز ينسيك انت مين تعالى يا أختى و فكرى معايا مين اللى عايز نعيش فى الأنين مين اللى صور حياتنا و غير نظامنا و خلانا ننسى حتى أحنا مين تعالوا معايا ده أحنا حكاية و عمر و سنين ده أحنا حضارة و أصل العمارة و منا الرسول الأمين اللى جانا برساله صريحة و واضحة بتقولك انت مين بتقولك يا أختى أنتى كرامة و عفة و حضارة و أصل الحكاية و دلك على الطريق رفع راسك و أدالك حقوقك و قال يا أبن أدم أصحى و فوق و خلى بالك من ناس تانية جنبك حيحاربوك فى رزقك فى دينك فى عقلك طول السنين مش راح ينسوا أبدا أنت مين بس حيحاولوا ينسوكم أنتم مين يا ترى فاهمين و لا لسة الحكاية من غير بداية و مستنين تشوفوا النهاية نهاية مين و حكاية مين و أحنا مالنا يا صاحبى سيبنا فى حالنا و خلينا نايمين مش عايزين نعرف و لا عندنا وقت نفكر و متفرقش معانا حتى أحنا مين ياربى عليكم معقولة ده بقى حالكم كل المهم البنت دى تبقى مين و صورة جميلة لبنت حوا قالعة هدومها و نايمة على حالها و فاقدة الوعى و ناسية هى مين حاطة صورة تانية لغيرها مش مهم عارفين أيه المهم انها تنسى هى مين بتكدب عليكم و لا بتكدب علية و لا بتكدبى على مين و انت يا صاحبى أرسل رسالة و قول الحكاية حكاية غرامك و سهد السنين و أوصف غرامك و شوقك و هيامك و قولها يا صاحبى لقيتك يا حلم السنين يا سيدى زعلان ليه ما هو كله هنا ضايع و شعب بحقيقتة نسى هو مين نسينا الآله نسينا الرسول نسينا الرسالة و هى دى الحكاية نسينا احنا مين حرام علينا نضيع بأيدينا و ندفن عقولنا و نقتل حيائنا و نغازل بناتنا بأقبح كلام و نصور حياتنا بصورة جميلة و وورد و زينة و ننسى احنا مين حرام يا أهل بلدى حرام يا مسلمين نسيتوا أنتو مين نسيتو الرسالة نسيتو الحكاية و حفرتم بأيديكم قبور عقولكم و عشتم حكاية حب و زييف و ضحك و لعب و سعادة و وهم و عمر و سنين و مين يقول لمين مين يفكر معايا مين يقولى أيه الحكاية مين يقولى مين اللى نوم عقولنا و ضيع شبابنا و فتح قلوبنا لوهم السنين و قال للشعب أنسى و قال لبنتى أنسى و قال لأبنى أنسى حتى أنتوا مين تعالوا كفاية أصحوا يا خلق ده أحنا حكاية ده أحنا بداية ده أحنا نقدر نتحدى السنين تعالوا معايا لرب كريم تعالوا معايا نصحى النعسانين تعالوا معايا نقول يا رب تعالوا معايا نرجع لدينا تعالوا معايا نصحح غلطنا و نرجع لرب غفور رحيم تعالوا معايا نفكر نقرر نحرر عقولنا من سجن السنين تعالوا نشوف الحقيقة نقول الحقيقة نبطل نكدب و نضحك و نبكى و بس نفكر أحنا مين و فين رايحين تعالوا نشوف أيه الحكاية تعالوا نقول مع بعض نستغفر الله العظيم و نتوب إليه تعالوا نكبر على الظلم و الطغاه تعالوا نقولها عالية فوق كل شىء الله أكبر الله أكبر الله أكبر على الظالمين تعالوا معايا طريقنا طويل و نمنا كتير كفاية يا خلق أعرفوا أنتو مين و رايحين فين حياتكم دى غالية ليه ترخصوها شرفكم ده غالى ليه بتبيعوه حكاية رواية و قصة غريبة لشعب حقيقى نسى هو مين دينك خلاصك ربك ينادى تعالوا معايا نقوله آمين نقول راجعين ليك يا ربى و وعدك بنصرك و سحق الأعادى و رفع الرايات أكيد حيحصل ما دمنا هنرجع تعالوا معايا نعيد الحكاية و نفكر و نقرر أحنا عايزين نبقى مين
عودوا إلى الله أرجعوا إلى ربكم قبل فوات الأوان تذكروا أن الله يمهل و لا يهمل تذكروا أن الله معكم أينما كنتم يسمعكم و يراكم تذكروا أنكم محاسبون و إليه راجعون تذكروا أن لكل بداية نهاية فماذا أعدتم لربكم و كيف ستجيبون على من يسألكم أين كنتم ماذا فعلتم تعالوا معى اصدقائى أحبائى فلنوقف ثورة الشيطان تعالوا أحبائى اصدقائى فلنهزم النفس الشريرة من داخلنا تعالوا أحبائى نعود إلى الله تعالوا أحبائى نتوب إلى الله قبل أن تقفل أبواب التوبة و تذكروا أن الموت يأتى فجأة تذكروا أن الحياة إلى زوال تذكروا اننا هنا لسنا إلا فى حياة زائفة زائلة و إلى الله راجعون إليه عائدون و على أعمالنا محاسبون أرجوكم أفيقوا من غفلتكم أرجوكم تراجعوا عن نزوات الشيطان أرجوكم توقفوا عن الأستهانة بدينكم أرجوكم عودوا إلى ربكم أرجوكم أغسلوا ذنوبكم بالبكاء أرجوكم أصلحوا قلوبكم بذكر الله أرجوكم استغفروا الله كثبر أنه كان غفارا أرجوكم تراجعوا عن أرتكاب المعاصى الصغيرة قبل الكبيرة أرجوكم حاسبوا أنفسكم قبل أن تحاسبوا أرجوكم تذكروا كل لحظة يموت الكثيرون فالموت قادم و الحساب قادم و إما جنة و إما نار أعملوا لأخرتكم كأنكم تموتون غدا تذكروا الله يا عباد الله أرجوكم لا داعى للأستهانة بصغائر الذنوب لأنها تقود إلى الكبائر أوقفوا سيطرة الشيطان علينا أوقفوا أعماله بيننا أوقفوا ضحكاته و سخريته منا و من عقولنا لا زلنا نحن البشر لنا عقول تفكر لا زال أمامنا الأمل بأن نعيد سرد الحكاية من البداية نستطيع أن نفعل المستحيل بأذن الله فقط توقفوا الأن و أسألوا أنفسكم إلى أين يا نفسى و إلى متى نتبع الهوى توقفوا و أسألوا أنفسكم أين الطريق إلى الله عودوا إلى الله و تذكروا أن الله يمهل و لا يهمل سبحانه و تعالى من رحمته أن يعطينا هذه الفرصة لنتوقف عن أرتكاب المعاصى لنعود إليه فهل نحن عائون دعونا نضع أيدينا معا و نقولها بصوت عالى نستغفر الله العظيم من كل ذنب عظيم و نتوب إليه تعالوا معى إلى باب التوبة تعالوا معى إلى أبواب الله التى لا تغلق أبد تعالوا معى و لا تأجلوا عودتكم إلى الله فسبحانه و تعالى يقول فى محكم آيته إن الله لا يغير ما بقوم حتى يغيروا ما بأنفسهم فتعالوا معى نغير أنفسنا تعالوا نغسل ذنوبنا و نعود إليه قبل فوات الآوان لا تغريكم الدنيا لا يضحك عليكم الشيطان لا تستسلموا إلى رغبات و نزوات حقيرة دنيئة و متع زائلة لا تستسلموا للأفكار الهدامة لا تعودوا إلى الوراء توقفوا و عودوا إلى الله
يناديكم كل يوم فى الثلث الأخير من الليل هل من تائب فأتوب عليه هل من مستغفر فأغفر له ما أجمل ذلك يناديك الخالق فماذا تنتظر يناديك رب العباد فماذا تنتظر لا تجعلوا أنفسكم مع الذين ختم الله على سمعهم و على أبصارهم و على عقولهم لا تكونوا مع حزب الشيطان أستمسكوا بحبل الله المتين أستمسكوا بالعروة الوثقى أستمسكوا بكتاب الله و صلوا على حبيبكم المصطفى عليه و على آله أفضل صلاة و أزكى تسليم فوالله ما هناك أجمل من أن تعودون إلى الله معه تشعرون بالأمان معه تشعرون بالحب معه تشعرون بالراحة مع الله و إلى الله نسير شدوا عزيمتكم لا تضعفوا فوالله لقد تداعت عليكم الأمم و اصبحنا فعلا كغثاء السيل أستيقظوا من غفلتكم توقفوا عن غيكم و عودوا إلى الله
حفظكم الله و رعاكم و غفر لنا جميعا و أعاننا على العمل بكتابه الكريم و التمسك بديننا الحنيف و سنة الرسول الكريم عليه أفضل صلاة و أزكى تسليم أوصيكم و نفسى بتقوى الله عز و جل و ادعو الله لى و لكم بأن يفتح قلوبنا لمحبته و أن يجنبنا الفواحش و الفتن ما ظهر منها و ما بطن

ربنا يهدينا ويصلح حالنا

ويعيننا على التقوى

بارك الله لك يا غالية

بنت اسكندرية
تشرفت بمرورك العطر

فيديو عشوائي
من سيربح المليون و اصرار المتسابق	انشقاق الطريق العام	أغنية يا طيبة للأطفال	الشيخ احمد العجمي و موقفه من حصار غزة	فيديو شرح طريقة تغير حجم الصورة بالفوتوشوب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اختار الكرسى اللى يعجبك!!	وفاء النيل	ركن الصور	3	23-10-2008 12:47 PM
هل دينا صعب ولا إحنا اللى مش فاهمين؟ كل شيخ بيقول كلام و كل داعية له رأى و وجهة نظر	أحمد v v	الركن الإسلامي العام	2	10-12-2007 05:18 PM
اكتب اسمك بالطريقه اللى تعجبك	نهال محمد	ركن المرح	5	16-10-2007 09:10 PM
اللى عندها سهره ومحتاره تلبس ايه تيجى هنا وانا اقولها عليه	نهال محمد	ركن الأزياء و الموضة - سيدات	4	24-09-2007 07:18 PM

يا ترى مين اللى عليه الدور؟؟؟؟

ركن المواضيع الساخنة و المناقشات